ರವಿ ಜಾರುವ ವೇಳೆಗೆ ನಬಕೆ ರಂಗೇರಿದೆ ನೀ ಬರುವ ಗಳಿಗೆಗೆ ಬಯಕೆ ರಂಗೇರಿದೆ

ಗಜಲ್

ರವಿ ಜಾರುವ ವೇಳೆಗೆ ನಬಕೆ ರಂಗೇರಿದೆ
ನೀ ಬರುವ ಗಳಿಗೆಗೆ ಬಯಕೆ ರಂಗೇರಿದೆ

ಹಾರುವ ಬೆಳ್ಳಕ್ಕಿ ಬಾನ ಸಿಂಗರಿಸಿವೆ
ಕನಸಲಿ ನೀ ಬಂದು ಭಾವಕೆ ರಂಗೇರಿದೆ

ಚಂದಿರನ ಚಲುವೊಂದು ಭುವಿಗಿಳಿದಿದೆ
ಮಹಾಶ್ವೇತೆಯ ಆಗಮನ ಮನಕೆ ರಂಗೇರಿದೆ

ಹಾಲಹೊಳೆಯೊಂದು ಹರಿದು ಬರುತಿದೆ
ಬಾಳ ದೋಣಿಯಲಿ ಪ್ರೇಮಕೆ ರಂಗೇರಿದೆ

ನಟ್ಟಿರುಳು ಬೆಳಗುವ ದೀಪಗಳ ಸಾಲು
‘ಆರಾಧ್ಯೆ’ ಯ ಬೆಳಕಿನಲಿ ಮನಕೆ ರಂಗೇರಿದೆ

ಶ್ರೀಮತಿ ಗಿರಿಜಾ ಮಾಲಿ ಪಾಟೀಲ ವಿಜಯಪುರ